Rövnəq Abdullayev: “Azərbaycan neft hasilatını artırmaq üçün "Qazprom"dan qaz almaq niyyətindədir”
“SOCAR Rusiyanın "Qazprom" şirkətindən qaz almaq niyyətindədir”.
1news.az İnterfax agentliyinə istinadən xəbər verir ki, bu barədə SOCAR prezidenti Rövnəq Abdullayev deyib.
R.Abdullayev bildirib ki, Rusiyadan qaz alışı Azərbaycana ölkədə neft hasilatını dəstəkləməyə kömək edə bilər:
"Çünki Azərbaycan neft hasilatının artırılması məqsədilə laylara doldurmaq üçün daha iri həcmdə qazdan istifadə edir. İndi bizə neft hasilatını artırmaq məqsədilə laylara doldurmaq üçün əlavə həcmdə qaz lazımdır. Bunun üzərində işlər gedir. "Qazprom"a təklifimizi vermişik, cavab gözləyirik.
"Qazprom"un verə biləcəyi istənilən həcmdə qaz almağa razıyıq. Laylara əlavə 3-4 milyard qaz doldurmaq imkanımız var. Qiymətlərlə də əlaqədar problem yoxdur".
1news.az
