ADIF-ə sığortalanan əmanətlərə görə faiz dərəcəsinin maksimum qaldırılması haqqında müraciət daxil olub
Azərbaycan Banklar Assosiasiyası (ABA) Azərbaycanda Əmanətlərin Sığortalanması Fonduna (ADIF) müraciət edərək sığortalanan əmanətlərin faiz dərəcəsinin maksimal səviyyədə qaldırılması ilə bağlı müraciət edib.
1news.az xəbər verir ki, bu haqda jurnalistlərə Azərbaycan Bank Tədris Mərkəzinin rəhbəri Cavanşir Abdullayev bildirib.Onun sözlərinə görə bu gün bank əmanətlərinin əsasən əhali üçün manatla olan əmanətlərin cəlbediciliyini artırmaq lazımdır.
“Bu gün sığortalanan əmanətlərə görə maksimal faiz dərəcəsi 12 faiz təşkil edir. Bu yüksək göstəricidir. Buna baxmayaraq əhali hələ də milli valyuta ilə əmanət yatırmağa ehtiyat edir, növbəti devalvasiyanın olacağından qorxurlar.
Əgər maksimal faiz dərəcəsi yüksələrsə, əhali daha manatla vəsaitləri banklara daha çox əmanət edər”,- deyə C.Abdullayev bildirib.
O, həmçinin qeyd edib ki, dollarlaşdırma tendensiyasına baxmayaraq, təkcə yanvar ayında banklara 50 milyon manat həcmində milli valyuta ilə əmanət yerləşdirilib.
Qeyd edək ki, hazırda 30 mindən çox olmayan manatla yatırımlar 12 faiz dərəcəsi ilə sığortalanır.
Daha əvvəl ADİF-in icracı direktoru Azad Cavadov bildirib ki, ADIF Himayəçilər şurası sığortalanan əmanətlərin faiz dərəcəsinin maksimum həddinin artırılması məsələsinə yenidən baxacaq.
Onun sözlərinə görə azərbaycanda “Əmanətlərin tam sığortalanması haqqında” Qanun qüvvəyə mindikdən sonra ADIF Qəyyumlar Şurasının fövqəladə iclası çağırılacaq.
Fondun rəhbəri aydınlaşdırıb ki, qanun qüvvəyə mindikdən sonra sığortalanan əmanətlərin həcmi ilə bağlı məhdudiyyətlər aradan qaldırılacaq. Bununla yanaşı yatırım faizinə görə məhdudiyyət saxlanılacaq.
“Aydındır ki, yeni şərait yatırım üzrə dərəcələrin dəyişdirilməsini tələb edəcək. ADIF Qəyyumlar Şurası bununla əlaqədar qərar qəbul edəcək.
“Əmanətlərin tam sığortalanması haqqında”Qanun 1 fevral 2016-cı il tarixindən sığortalanan bank əmanətlərinin həcmi ilə bağlı məhdudiyyətlər aradan qalxacaq. Bununla yanaşı yatırım faizinə görə məhdudiyyət saxlanılacaq. Lakin faiz dərəcələri yatırılan valyutadan asılı olaraq fərqləndiriləcək. Bu mənada manatla yatırımların faiz dərəcəsi yüksələcək ki, milli valyuta- manatla yatırımlara maraq artsın. Qanunvericiliyə uyğun olaraq sığortalanan əmanətlərin maksimal faiz dərəcəsi ADIF Qəyyumlar Şurası tərəfindən müəyyən olunur. Əgər faiz dərəcəsi müəyyən olunan hədd daxilində olarda əmanətlər 3 il müddətinə sığortalanacaq.
Qeyd edək ki, “Əmanətlərin tam sığortalanmasi haqqında” Qanun , həmçinin “Əmanətlərin sığortalanması haqqında” Qanuna dəyişiklik hələ qüvvəyə minməyib.
Xatırladaq ki, ADIF 13 avqust 2007-ci ildə yaradılıb.
Əmanətlərə görə ödənişləri ADIF-ə əmanətçilər deyil, bankların özü ödənişlər formasında göndərilir.
Əmanətçilər gərəkən bütün informasiyanı ADIF-ın rəsmi saytından, yaxud Fondun “qaynar xətt”i-941 və (+99412) 596-65-91/92 nömrələrinə zəng etməklə əldə edə bilər.
1news.az
