Cianni İnfantino FİFA-nın yeni prezidenti seçilib - FOTO
Bu gün İsveçrənin Sürix şəhərində FİFA-ya növbəti prezident seçkisi keçirilir.
Artıq seçkilərin ilk turu arxada qalıb. Ancaq bu turda qalib müəyyənləşməyib. Belə ki, ən çox səsi İnfantino yığıb. Ona 88 ölkənin milli federasiyası səs verib. Şeyx Salman ibn-İbrahim əl-Xəlifə 85, Əli bin əl-Hüseyn 27, Jerom Şampan isə cəmi 7 səs yığa bilib.
Nizamnaməyə görə heç bir namizəd qalib olmaq üçün lazım olan səslərin 2/3 hissəsini toplaya bilmədiyi üçün seçkinin nəticəsi növbəti turda müəyyənləşib.
Bu mərhələdə hər kəsi qabaqlayan İnfantino ali futbol qurumunun yeni prezidenti olub. O, mümkün olan 207 səsdən 115-ini qazanaraq, ikinci turdakı ən yaxın rəqibi Şeyx Salmanı (88 səs) qabaqlayıb. İlk turun ikincisi Şahzadə Əli ibn əl-Hüseyn isə həlledici mərhələdə cəmi 4 səs toplaya bilib.
Yeni prezident 4 il müddətinə seçilib.
