Hazırda Rusiya və Azərbaycan arasında yüksək güvən şəraiti mövcuddur

Bu haqda RF-nin keçmiş baş naziri Rusiyanın “Qazprom” şirkətinin idarə heyətinin sədri Viktor Zubkov AR Diasporalarla İş Dövlət Komitəsinin dəstəyi ilə Beynəlxalq Nizami Gəncəvi Mərkəzinin təşkil etdiyi IV Bakı Qlobal Forumunda çıxışı zamanı bildirib.

Onun sözlərinə görə, hər iki dövlətin prezidentləri V.Putin və İ.Əliyevin fərdi əlaqələri və rəsmi səviyyədə olan digər səfərlərin mühüm rolu var.

Neftin qiymətindən danışarkən V.Zubkov bu il qiymətin qalxacağına ümid edir.

“Proqnoz vermək xeyirxah iş deyil, lakin indi neft qiyməti 1 barelə görə 40 dollara qalxıb. Sabah nə olacağını demək çətindir. Bir çox ekspertlər deyir ki, qiymətlər bu il ərzində  50-60 dollar ola bilər”,- o, deyib.

RF-nin keçmiş baş naziri Dağlıq qarabağ münaqişəsinin nizamlanması məsələsinə cavab verərkən qeyd edib ki, Rusiyanın vasitəçiliyi ilə 3 tərəfli danışıqlara razılaşmaq lazımdır.

O, həmçinin qeyd edib ki, RF və Türkiyə arasındakı gərginlik Cənubi Qafqaza təsir etməyib.

Xatırladaq ki, Beynəlxalq Nizami Gəncəvi Mərkəzinin dəstəyi ilə baş tutan forum Qarşılıqlı Əlaqə Şurası, Madrik Klubu, İskəndəriyyə kitabxanası, Beynəlxalq Elm və Mədəniyyət Akademiyası ilə əməkdaşlıq çərçivəsində təşkil olunub.

IV Bakı Qlobal Forumunda dünyanın 53 ölkəsindən 300-dən çox nümayəndə iştirak edir. 2 gün davam edəcək forumda münaqişələrin həllində dinlərarası dialoq, miqrasiya, multikulturalizm və inteqrasiya, qlobal təhlükəsizliyin təmin olunması kimi aktual məsələlər müzakirə olunacaq. Bundan əlavə günün mövzularına energeti perspektivləri, qlobal idarəetmə ilə bağlı məslələr da daxildir.

1news.az