Torpağın bərəkəti – “Səba” məhsullarının sağlamlıq mənbəyidir

“Səba”ya görə sağlam qidanın mənbəyi sağlam torpaq və ona qayğıdır.

Ağcabədi və Beyləqan ərazisindəki 4800 hektarlıq “Səba” tarlaları ən son texnologiya – pivot sistemi ilə suvarılır, ən yeni texnika ilə becərilir. Yazın gəlişi ilə əkinə başlayan şirkət hər ilin daha bərəkətli gələcəyinə inanır. 

“Səba” torpaqlarının bərəkətli məhsulu – qarğıdalısı, buğdası “Səba” toyuqlarının sağlamlığını təmin edən təbii yemdir. Həm faydalı, həm də sərfəli olan toyuq əti ailələrin süfrəsində bolluq əlamətidir.

“Səba” toyuqlarının sağlamlığının daha bir səbəbi onların daim nəzarətdə olması, xəstəliklərdən, virus və infeksiyalardan peşəkarlıqla qorunmasıdır. 

Halal kəsim isə bu brendi üstün edən daha bir xüsusiyyətdir. Azərbaycanda dövlət halal standartına layiq görülmüş yeganə brend olan “Səba” toyuqları kəsimxanada bütün islami şərtlər, eləcə də sanitariya və gigiyena tələblərinə uyğun olaraq kəsilir və qablaşdırılır.

Yaxşı təşkil olunmuş satış komandası hər gün marketləri təzə toyuq əti ilə təmin edir. Eyni zamanda “Səba” ət-süd mağazaları azbüdcəli əhalinin sıx məskunlaşdığı ərazilərdə sevimli məhlə dükanlarına çevrilib. Bu dükanlarda “Səba” məhsulları marketlərdə olduğundan daha aşağı qiymətə təklif edilir.

Şirkət əmindir ki, min bir diqqət və qayğı ilə hazırladığı məhsulları sizin mətbəxinizdə məhəbbətlə dadlı təamlara çevrilib, sevdiklərinizə təqdim olunur.

“Səba” torpağımıza bərəkət, süfrələrimizə bol ruzi arzusu ilə hər bir azərbaycanlının Torpaq çərşənbəsini təbrik edir!