Aleksandr Fomenkov: “Putin Sarkisyana xatırladıb ki, gec ya tez Qarabağdan qoşunları çıxarmaq lazım gələcək”
Erməni KİV-lərində Serj Sarkisyanın Moskvaya səfərinin 2 həftə ərzində geniş müzakirəsi İrəvanın Rusiya hökumət başçısı ilə görüşdən gözləntilərinin yüksək olması ilə bağlı idi.
Orta statistik erməni ümid edirdi ki, Ermənistan prezidentinin bu turnesi Rusiyadan nəql olunan qazın qiymətinin düşməsi haqqında razılıqla nəticələnəcək. Siyasi elita isə Moskvanın Qarabağ məsələsində və sairədə dəstəyi kimi siyasi bonusların gözləntisində idi.
Buna baxmayaraq Sarkisyan və Putinin matr ayındakı tet-a-tet görüşü sevinməyə əsas vermədi.
Prezidentlərin görüşü ilə bağlı fikirlərini 1news.az-a şərhində rusiyalı politoloq və publisist Aleksandr Fomenkov bölüşüb.
Rusiyalı politoloqun fikrincə, Kremldəki danışıqlar erməni rəhbərliyi üçün heç də ürəkaçan olmayıb.
“İstisna etmirəm ki, prezident Vladimir Putin Sarkisyana xatırladıb ki, gec ya tez Qarabağdan qoşunları çıxarmaq lazım gələcək”,- A.Fomenkov hesab edir.
Lakin ekspertin qiymətləndirməsinə görə, Ermənistan hakimiyyəti Azərbaycana qarşı təxribatçı davranışlardan əl çəkməyə hələ ki hazır deyil.
“Ermənistan hakimiyyətinin problemi odur ki, Azərbaycan torpaqlarının azad olunması üzrə hərbi əməliyyatlara başlasa, Ermənistanın kənardan heç bir yardım ala bilməyəcəyini anlamır. Erməni qoşunları Qarabağdan sadəcə olaraq qaçacaq”, -deyə rusiyalı politoloq bildirib.
“Bilirsiniz mənim ücün Sarkisyanın Putindən pul diləndiyi maraqlı deyil, daha vacib olan onun minlərlə öldürülmüş dinc azərbaycanlılara görə cəzasını nə zaman alacağıdır.
Azərbaycan Rusiya hökumətini əmin edə bildi ki, o, güvənilir və sadiq tərəfdaşdır.
Məhz buna görə mən Putinə sual vermək istərdim: “ Mənim prezidentim, Vladimir Vladimiroviç, siz nə zaman adaşınız, general-mayor Vladimir Vladimiroviç Kovalyovu öldürən qatillərin axırına çıxacaqsınız. O, 20 noyabr 1991-ci ildə Qarakənd kəndi yaxınlığında erməni terrorçuları tərəfindən namərdliklə qətlə yetirilib”,- deyə rusiyalı politoloq fikrini tamamlayıb.
1news.az
