5200-ə yaxın vətəndaşa yeni şəxsiyyət vəsiqələri verilib

Ölkəmizin şəhər və rayonlarında şəxsiyyət vəsiqələrinin verilməsi və etibarlıq müddəti bitmiş sənədlərin yeniləri ilə dəyişdirilməsi üzrə səyyar xidmətlər davam etdirilir.

1news.az-ın məlumatına görə, xidmətlət Daxili İşlər Nazirliyi rəhbərliyinin tapşırığı, Baş Pasport, Qeydiyyat və Miqrasiya İdarəsinin təşəbbüsü ilə həyata keçirilir.

İşin səmərəliyinin daha da artırılması və vətəndaş məmnunluğunun təmin edilməsi məqsədi ilə növbəti belə tədbirlər respublikanın Gəncə, Bərdə, Sabirabad, Saatlı, İmişli, Ağdaş, Qəbələ, həmçinin, paytaxtın Qaradağ  şəhər və rayonlarının polis idarə və şöbələrinin müvafiq qurumlarının əməkdaşlarının iştirakı ilə baş tutub. 

Belə ki, keçirilmiş səyyar xidmətlər zamanı Gəncə şəhərində 329, Bərdə rayonunda 289, Sabirabad rayonunda 469, Saatlı rayonunda 1031, İmişli rayonunda 1794, Ağdaş rayonunda 823, Qəbələ rayonunda 216, Qaradağ rayonunda 206, ümumilkdə, 5200-ə yaxın vətəndaşın şəxsiyyət vəsiqəsinin verilməsi üçün müvafiq sənədləri qəbul edilib. 

Vətəndaşların şəxsiyyət vəsiqələri ilə təmin edilməsi məqsədilə mütəmadi şəkildə təşkil olunan belə tədbirlər respublikamızın digər bölgələrində də davam etdirilir.

1news.az