Sabah Astara və Goranboyun qaz təchizatında məhdudiyyətlər olacaq
Sabah Azərbaycanın iki rayonunun qaz təchizatında məhdudiyyətlər olacaq.
1news.az xəbər verir ki, bu barədə Dövlət Neft Şirkətindən (SOCAR) bildiriblər.
Məlumata görə, martın 16-da saat 10:00-dan 18:00-dək “Qaz İxrac” İdarəsinin Abşeron magistral qaz kəmərləri sahəsinin “Şimal DRES”, Ağdaş magistral qaz kəmərləri sahəsinin “Goranboy” və Astara magistral qaz kəmərləri sahəsinin “Astara” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.
Təmir işləri aparılan müddətdə Astara şəhərinin və Goranboy rayonunun qaz təchizatında məhdudiyyətlər olacaq. Aparılan işlərin Bakı şəhəri Xəzər rayonunun Mərdəkan və Şüvəlan qəsəbələrinin bir hissəsinin qaz təchizatına təsir göstərməsi də mümkündür.
1news.az
