Səfir: “Pakistan Azərbaycanın Dağlıq Qarabağ münaqişinin nizamlanmasında mövqeyini dəstəkləyir”
Pakistan Günü – bu ölkənin milli bayramına həsr olunmuş tədbir bazar ertəsi günü Bakıda keçirilib.
1news.az-ın verdiyi xəbərə görə, tədbirdə deputatlar, rəsmi şəxslər, xarici ölkələrin səfirləri də iştirak ediblər.
Tədbirdə çıxış edən Pakistan səfiri Xalid Osman Qayser bildirib ki, Bakı ilə İslamabad strateji cəhətdən tərəfdaş şəhərlərdir:
“Pakistan Azərbaycanın Dağlıq Qarabağ münaqişinin nizamlanması mövqeyini dəstəkləyir, Azərbaycan da Pakistanın Kəşmir məsələsindəki mövqeyini dəstəkləyir”.
Tədbirdə çıxış edən Azərbaycanın müdafiə sənayesi naziri Yavər Camalov qeyd edib ki, Pakistan 1991-ci ildə ölkəmizin müstəqilliyini tanıyan ilk dövlət olub:
“1992-ci ildə ölkələrimiz arasında diplomatik əlaqələr qurulub, daha sonra isə diplomatik nümayəndəliklər də açılıb”.
Nazir bildirib ki, ölkələrimiz bir çox sahələrdə əməkdaşlıq edir, eləcə də ticarət dövriyyəsi ildən-ilə artmaqdadır.
Y.Camalov həmçinin qeyd etdi ki, apreldə İslamabadda ölkələrarası komissiyanın iclası keçiriləcək.
1news.az
