H.Əliyev adına NEZ-ə ekskursiya təşkil olunub
Sənaye Mühəndisliyi və Menecment üzrə Avropa Tələbələri Birliyinin “Europe-3D Azerbaijan” layihəsi çərçivəsində Heydər Əliyev adına Neft Emalı Zavoduna ekskursiya təşkil olunub.
1news.az-ın məlumatına görə, Avropanın 20 müxtəlif ölkəsindən 25 xarici, eləcə də 10 azərbaycanlı tələbə zavodun katalitik krekinq üzrə 55 və katalitik riforminq üzrə 31 nömrəli texnololi qurğularında olmuş, onlara zavodun fəaliyyəti, texnoloji qurğuların istismar prosesi, inkişaf perspektivləri, yeni qurğuların tikintisi, modernizasiya və yenidənqurma işləri haqqında ətraflı məlumat verilib.
Diqqətə çatdırılıb ki, “Multikulturalizm ili” elan edilmiş 2016-cı ildə “Europe-3D Azerbaijan” layihəsi kimi beynəlxalq layihələrin həyata keçirilməsi, o cümlədən bu cür layihələrin iştirakçılarının Heydər Əliyev adına Neft Emalı Zavoduna ekskursiyaları böyük əhəmiyyət kəsb edir.
Qeyd edək ki, Sənaye Mühəndisliyi və Menecment üzrə Avropa Tələbələri Birliyi Avropada sənaye mühəndisliyi və menecment sahəsində ən nüfuzlu təşkilatlardan sayılır.
1news.az
