Maliyyə Bazarlarına Nəzarət Palatasında SECO-nun nümayəndə heyəti ilə görüş keçirilib
Azərbaycan Respublikasının Maliyyə Bazarlarına Nəzarət Palatasında (MBNP) İsveçrənin İqtisadi İşlər üzrə Dövlət Katibliyinin (SECO) Cənubi Qafqaz üzrə Regional Direktor müavini Simona Haberlinin rəhbərlik etdiyi nümayəndəheyəti ilə görüş keçirib.
1news.az-ın verdiyi xəbərə görə, bu barədə Palatanın mətbuat xidmətindən məlumat verilib.
MBNP-nın Direktorlar Şurasının sədri Rüfət Aslanlı görüş iştirakçılarına SECO ilə gələcək əməkdaşlıq istiqamətləri barədə məlumat verib.
Sədr maliyyə sektoru ilə bağlı ortamüddətli strategiyanın hazırlanması və bu sektorun əhəmiyyətli təhlili ilə bağlı görüləcək işlər, həmçinin bu proseslərə SECO və İsveçrənin Maliyyə Bazarlarına Nəzarət Orqanının cəlb olunması ilə əlaqədar məsələlər barədə fikir bildirib.
SECO-nun Cənubi Qafqaz üzrə Regional Direktor müavini Simona Haberli təmsil etdiyi qurum ilə Azərbaycan arasında iqtisadi və maliyyə sahəsində qarşılıqlı əməkdaşlıqdan danışaraq, Maliyyə Bazarlarına Nəzarət Palatasının Avropa təcrübəsinəsöykənərək, qabaqcıl beynəlxalq standartlara uyğun səmərəli fəaliyyət göstərəcəyinəəminliyini ifadə edib.
Görüşdə iki qurum arasında əlaqələrin inkişaf perspektivləri, əməkdaşlığın gələcək potensial sahələri, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
1news.az
