Futzal üzrə Azərbaycan millisi ilk dəfə dünya çempionatının final mərhələsinə vəsiqə qazanıb

Bu gün futzal üzrə dünya çempionatının "play-off" mərhələsinin cavab görüşündə Azərbaycan milli komandası Hollandiya yığması ilə qarşılaşıb.

1news.az-ın "Report"a istinadən verdiyi məlumata görə, 4:4 hesablı ilə başa çatan oyunun yekun nəticəsinə görə Azərbaycan millisi Kolumbiyada keçiriləcək final mərhələsinə vəsiqə qazanıb.

İki oyunun nəticəsinə əsasən Azərbaycan millisi (5:1 və 4:4) üstün tərəf olub. Cavab görüşündə milli komandanın heyətində Rizvan Fərzəliyev, Amadeu, Eduardo, və Rafael fərqlənib.

Milli komanda final mərhələsinə gedən yolda İsveç, Belarus və Xorvatiyaya qalib gələrək qrup lideri kimi "play-off"a yüksəlib.

Qeyd edək ki, final mərhələsi 10 sentyabr - 2 oktyabrda Kolumbiyada təşkil olunacaq.

1news.az