Avropa Liqasında yarımfinalçılar məlum oldu – FOTO – VİDEO

Avropa Liqasında 1/4 finalın cavab görüşləri keçirilib.

1news.az-ın məlumatına görə, eyni vaxtda başlayan 4 qarşılaşma ilə bütün yarımfinalçıların adlarına aydınlıq gəlib. 

Azarkeşlər digər oyunlarla yanaşı  İspaniya derbisinə də şahidlik ediblər. Belə ki, səfərdə keçirdiyi ilk oyunda 2:1 hesabı ilə “Atletik”i məğlub edən “Sevilya” eyni hesabla evdə uduzduğundan cütün taleyinə onbir metrəlik cərimə zərbələrində aydınlıq gəlib. Burada daha dəqiq olan “Sevilya” yarımfinala vəsiqə qazanıb.

Ukraynada baş tutan digər qarşılaşmada isə darmadağın qeydə alınıb. İlk oyunda “Braqa”dan güclü olan “Şaxtyor” evdə rəqibinin qapısından 4 cavabsız top keçirib.

İspaniyanın turnirdəki daha bir təmsilçisi “Vilyareal” isə Çexiyada “Sparta”nın qonağı olub. Evdə keçirdiyi ilk oyunda qalib gələn “Sevilya” cavab qarşılaşmasından da qalib ayrılıb.

Gecənin ən maraqla gözlənilən qarşılaşması “Liverpul”la “Borussiya” arasında olub. İlk oyunda hərəyə bir qol vuraraq bərabərliyə razılaşan tərəflər bu dəfədə gərgin mübarizə ilə yadda qalıblar. Dortmundlular matçın gedişində iki dəfə iki top fərqi ilə önə keçsələr də, əzmkarlıq nümayiş etdirən "Liverpul" yekunda 4:3 hesabı ilə qalib gələrək, yarımfinala vəsiqə qazanıb.

Avropa Liqası, 1/4 final mərhələsinin cavab oyunları

14 aprel

“Sevilya” (İspaniya) – “Atletik” (İspaniya) - 1:2

Qollar: Qameyro, 59 - Aduriz, 57, Qarsiya, 80

Penalti seriyası: 5:4

Hakimlər: Damir Skomina, Yure Praprotnik, Robert Vukan, Boyan Ul

Əlavə köməkçi hakimlər: Matey Yuq, Slavko Vinçiç (hamısı Sloveniya)

Sevilya. “Ramon Sançes Pisxuan” stadionu

İlk oyun – 2:1

“Şaxtyor” (Ukrayna) – “Braqa” (Portuqaliya) - 4:0

Qollar: Srna, 25 (pen.), Ferreyra, 43, 74 ( hər ikisi öz qapısına), Kovalenko, 50

Hakimlər: Pavel Kraloveç (Çexiya), Roman Slişko (Slovakiya), Martin Vilçzek, Tomaş Mokruş

Əlavə köməkçi hakimlər: Petr Ardeleanu, Mixal Patak (hamısı Çexiya)

Lvov. “Arena Lvov” stadionu

İlk oyun – 2:1

“Sparta” (Çexiya) – “Vilyareal” (İspaniya) - 2:4

Qollar: Doçkal, 65, Kreyçel, 71 - Bakambu, 5, 49, Kastilexo, 43, Bruno, 45+1

Hakimlər: Martin Atkinson, Mikael Mallarki, Stefen Çayld, Stüart Bart

Əlavə köməkçi hakimlər: Mikael Oliver, Kreyq Pauson (hamısı İngiltərə)

Praqa. “Generali Arena” stadionu

İlk oyun – 1:2

“Liverpul” (İngiltərə) – “Borussiya” (Dortmund, Almaniya) - 4:3

Qol: Origi, 48, Koutinyo, 66, Sako, 78, Lovren, 90+1 - Mxitaryan, 5, Obameyanq, 9, Roys, 57

Hakimlər: Cüneyt Çakır, Çem Satman, Tarık Ongün, Sərkan Ok

Əlavə köməkçi hakimlər: Hüseyin Göçək, Barış Şimşək (hamısı Türkiyə)

Liverpul. “Enfild Roud” stadionu

İlk oyun – 1:1

1news.az