Ov tüfəngi ilə adam öldürən Tovuz sakini tutulub

Keçən həftə ov tüfəngi ilə həmyerlisini öldürən şəxs saxlanılıb.

1news.az-ın verdiyi xəbərə görə. bu barədə Daxili İşlər Nazirliyindən məlumat veriblər.

Məlumata görə, aprelin 13-də Tovuz rayonunun Qalaboyun kəndindən kənd sakini Məqsəd Əmiraslanov baş nahiyəsindən güllə yarası (ov tüfəngindən açılmış güllə yarası üçün xarakterik olan) ilə xəstəxanaya aparılarkən yolda ölüb.

Polis və prokurorluq əməkdaşlarının həyata keçirdikləri əməliyyat-axtarış və istintaq tədbirləri nəticəsində qətli törətməkdə şübhəli bilinən kənd sakini Natiq Ələkbərov tutulub.

Ondan hadisəni törədərkən istifadə etdiyi müvafiq sənədləri olmayan “TOZ-34” markalı tüfəng götürülüb.

1news.az