ABŞ nümayəndəsi: Alternativ energetika Azərbaycan üçün böyük imkanlar açacaq

“Yenilənəm energetikanın inkişafı Azərbaycan üçün böyük imkanlar açacaq”.

1news.az-ın verdiyi xəbərə görə, bu haqda Yenilənən Enerji üzrə Amerika Şurasının (ACORE) birinci vitse-prezidenti Tom Veyrik  cümə günü jurnalistlərə bildirib.

“Alternativ energetikanın inkişafı Azərbaycanın qloballaşan dünyada mövqeyini daha da möhkəmləndirəcək. Həmçinin bu, yeni iş yerlərinin açılması və gənc mütəxxəsislər cəlb edilməsi deməkdir”, - bu haqda o, bildirib.

Tom Veyrik ABŞ və Azərbaycanın yenilənən energetika sahəsəində əməkdaşlığını alqışlayır, bunun gələcəkdə daha da möhkəmlənməsini dəstəkləyir və bildirdi ki, bu, uzunmüddətli və məhsuldar olacaq.

ACORE-nin vitse-prezidenti Bakıda hər il yenilənən enerji mənbələri mövzusunda   keçirilən VII konfransda iştirak edir. Bu konfrans aprelin 22-də ADA Universitetində keçirilərək Ümumdünya Yer gününə həsr olunub.

Veyrikin konfransda çıxışı ABŞ-da yenilənən energetikanın perspektivlərinə - bu sahədə istiqamətlənmiş siyasətə, maliyyə imkanları və yeniliklərə həsr olunub. O bütün ölkələrin yenilənən energetika sahəsində milli strategiyalarını inkişaf etdirmək, həmçinin bu sahədə qanunvericiliyi təkmilləşdirmək, elmi işləri investisiya etmək və texniki cəhətdən təchizatını qeyd etdi.

Konfrans Amerika Məzunlarının Avropa Şəbəkəsi (ENAM) təşkilatının ABŞ-ın Azərbaycandakı səfirliyinin maliyyə dəstəyilə keçirilir. İştirakçılar davamlı inkişaf, aşağı-karbon iqtisadiyyatına keçid, ekoloji qanunvericiliyin təkmilləşdirilməsi, bu sahədə təhsilin inkişafı və "yaşıl" infrastrukturun təşviqindən bəhs ediblər. Həmçinin, konfrans zamanı qabaqcıl beynəlxalq təcrübədən istifadənin vacibliyi də vurğulanıb.

T.Veyrik Bakıya səfəri zamanı Bakı Ali Neft Məktəbini ziyarət edərək, burada təhsil alan gələcək mühəndislə görüşüb.

1news.az