Bakıda və Abşeron rayonunda təbii qaz təchizatında məhdudiyyətlər olacaq
Aprelin 27-də Bakıda və Abşeron rayonunda təbii qaz təchizatında məhdudiyyətlər olacaq.
1news.az xəbər verir ki, bu barədə “Azəriqaz” İstehsalat Birliyindən məlumat veriblər.
Məlumata görə, abonentlərin təbii qaza olan tələbatının təmin edilməsi,istismarı dayandırılmış qaz xətlərinin şəbəkədən ayrılması və yeni çəkilmiş qaz xətlərinin mənbəyə qoşulması,qaz xətti üzərində quraşdırılmış siyirtmənin təmiri və aşkar olunmuş qaz sızmalarının ləğv edilməsi ilə əlaqədar, aprelin 27-də saat 09:00-dan işlər yekunlaşanadək Bakının Nərimanov rayonunun Atatürk prospekti ərazisində,Sabunçu rayonunun Pirşağı,Nardaran və Kürdəxanı qəsəbələrində,Xəzər rayonunun Buzovna qəsəbəsində,Xətai rayonunun Gəncə prospekti,M.Hadi küçəsi və Zığ yolu ərazisində həmçinin Abşeron rayonunun Xırdalan və Mehdiabad qəsəbələrinin bir hissəsində təbii qazın verilişində fasilələr yaranacaq.
1news.az
