Külli miqdarda siqaretin qaçaqmalçılıq yolu ilə sərhəddən keçirilməsinin qarşısı alınıb – FOTO

Xaçmaz Gömrük İdarəsinin əməkdaşları dörd fakt üzrə külli miqdarda siqaretin qaçaqmalçılıq yolu ilə ölkə ərazisinə gətirilməsinə cəhdlərin qarşısını alıblar.

1news.az-ın Dövlət Gömrük Komitəsinə istinadən verdiyi xəbərə görə, ayrı-ayrı vaxtlarda Rusiya istiqamətindən Xaçmaz Gömrük İdarəsinin “Samur” və “Xanoba” gömrük postlarının nəzarət zonalarına daxil olan nəqliyyat vasitələrində gömrük nəzarətindən gizlədilmiş cəmi 30840 ədəd “NZ Gold Compact” və “Belomorkanal” markalı siqaretlər aşkar edilərək götürülüb.

Bütün faktlarla bağlı araşdırma aparılır.

1news.az