Azərbaycan Kubokunun oyunlarında hakimlərin idarəçiliyi ilə bağlı toplantı keçiriləcək
Hakimlər Komitəsi Topaz Premyer Liqasının və Azərbaycan Kubokunun görüşlərindən sonra hakimlərin qərarlarını müzakirə etmək üçün toplantılar keçirib.
1news.az-ın PFL-ə istinadən verdiyi xəbərə görə, hər həftə baş tutan toplantı zamanı turda idarəçilik etmiş hakimlər iştirak edir, onların verdikləri qərarlar videoçarxlarla müzakirə olunur.
Azərbaycan Kubokunun ½ final mərhələsinin və Topaz Premyer Liqasının XXXI turunun görüşlərində verilən qərarlar bu gün saat 16:00-da AFFA-nın inzibati binasında reallaşacaq ənənəvi toplantı zamanı müzakirəyə çıxarılacaq.
Budəfəki toplantı media nümayəndələri üçün açıq olacaq. Müzakirələrdən sonra Hakimlər Komitəsinin sədri Xaqani Məmmədovun və hakimlərin mətbuat konfransı keçirməsi nəzərdə tutulub.
1news.az
