SOCAR Rusiyanın “Qazprom” şirkətindən alacağı qazın həcmini açıqlayıb

Azərbaycan Dövlət Neft Şirkəti (SOCAR) Rusiyanın “Qazprom” İSC şirkətindən alacağı qazın konkret həcminini açıqlayıb.

1news.az-ın verdiyi xəbərə görə, bu haqda Bakıda “HR resurslar transformasiyası” layihəsinin təqdimatı zamanı Dövlət Neft Şirkətinin prezidenti Rövnəq Abdullayev bəyan edib ki, SOCAR il ərzində 3-5 milyard kubmetr Rusiya qazı almağı planlaşdırır.  

Onun sözlərinə görə, Rusiya tərəfi lazımi təkliflər irəli sürüb:

“Hazırda biz, “Qazprom”-dan cavablar gözləyirik”.

Xatırladaq ki, SOCAR rəhbəri daha əvvəl bəyan etmişdi ki, Dövlət Neft Şirkəti və “Qazprom”la Rusiya qazının Azərbaycana tədarükü ilə bağlı razılaşmanın texniki detalları hazırlanır.

O, həmçinin qeyd edib ki, Rusiya qazı yataqlarda maksimal həcmin artırılması üçün nəzərdə tutulub. “Əsrin müqaviləsinə” uyğun olaraq İngiltərənin BP şirkətindən sxemə əsasən alınan səmt qazı yataqlara vuruluacaq. Məqsəd – neft hasilatı zamanı karbotidrogenlərin həcminin artmasıdır.

Daha sonra SOCAR-ın Marketinq və investisiyalar üzrə vitse-prezidenti Elşad Nəsirov Azərbaycanın Rusiyanın “mavi yanacağının” əldə etməsi məsələsini jurnalistlərə açıqlayarkən bildirib ki, əldə ediləcək yanacaq SOCAR üçün deyil, “Azərenerji” üçündür. Və SOCAR da ona qaz tədarükünün əldə edilməsində yardımçı olmağa hazırdır.

Onun sözlərinə görə, “Azərenerji” üçün qaz alışının həyata keçməsi hökumət razılıq verərsə 2016-cı ildə mümkün olacaq. Həmçinin bu, hər hansı bir qaz təchizatçısı ilə razılıq əldə olarsa həyata keçəcək. 

Bununla yanaşı, E.Nəsirov hansı idxaldan söhbətin getdiyini aydınlaşdırmayıb.

1news.az