Meşədə 253 ədəd çətənə kolu yetişdirən Hacıqabul sakini tutuldu

Hacıqabul rayonunda narkotik maddə olan çətənə kolları yetişdirən şəxs saxlanılıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Hacıqabul Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində rayonun Talış kəndi ərazisindəki meşə zolağında kənd sakini, əvvəllər məhkum olunmuş Aydın Mahmudov tərəfindən kultivasiya yolu ilə becərilmiş 253 ədəd çətənə kolları aşkar edilərək götürülüb.

1news.az