Premyer Liqanın sonuncu turunun oyun cədvəlində dəyişiklik edilib

Topaz Premyer Liqasının sonuncu – 36-cı turunun oyun cədvəlində dəyişiklik edilib.

1news.az-ın Peşəkar Futbol Liqasına (PFL) istinadən verdiyi xəbərə görə, turun görüşləri əvvəlcədən nəzərdə tutulduğu kimi 21 mayda deyil, bundan bir gün öncə reallaşacaq. Buna səbəb  yarışı mükafatçılar sırasında bitirmiş komandalara medalların təqdim olunacağıdır.

Eyni zamanda, 21 mayda  17 yaşlı futbolçulardan ibarət milli komandalar arasında Bakıda keçirilən Avropa çempionatının final görüşü baş tutacağından Premyer Liqa görüşlərinin vaxtının dəyişdirilməsi məqsədəuyğun hesab olunub.

1news.az