Luis Hamilton ikinci test yürüşünün də qalibi olub

Formula-1 Avropa Qran-prisinin iyunun 17-də saat 17:00-da start götürən ikinci test yarışı da britaniyalı pilot Luis Hamiltonun qələbəsi ilə başa çatıb.

1news.az-ın məlumatına görə, “Mercedes”in pilotu Luis Hamilton birinci test yarışında olduğu kimi, bu dəfə də bütün rəqiblərini geridə qoyub. O, trek üzrə ən yaxşı göstəricisi 1 dəqiqə 44,233 saniyə olub.

İkinci yeri “Mercedes”in digər pilotu Niko Rosberq tutub. O, Hamiltondan 0,69 saniyə geri qalıb. Üçüncü yerin sahibi isə “Force İndia” komandasının pilotu Serxio Peres olub.

1news.az