İtaliya və İspaniya 1/8 finalda, Türkiyə yenə məğlub oldu – FOTO – VİDEO

Dünən AVRO-2016-nın qrup mərhələsi çərçivəsində E və D qruplarında növbəti oyunlar keçirilib.

1news.az-ın məlumatına görə, ilk olaraq İtaliya və İsveç milliləri üz-üzə gəlib. Ötən oyunda güclü Belçika yığmasını məğlub edən italiyalılar bu dəfə də İbrahimoviçli  İsveç yığmasına minimal hesabla qalib gələrək 1/8 finala vəsiqə qazanıblar.

D qrupunda keçirilən Çexiya və Xorvatiya görüşündə hərəyə iki dəfə fərqlənən komandalar meydandan sülhlə ayrılıblar.

Qrupun digər oyununda Türkiyə millisi İspaniya ilə qarşılaşıb. Son Avropa çempionları Fatih Terimin yetirmələrini üç cavabsız qolla məğlub edərək adını 1/8 finala yazdırıblar.

Avropa çempionatı

Qrup mərhələsi

II tur

17 iyun

E qrupu

17:00. İtaliya – İsveç

Qol: Eder, 88

D qrupu

20:00. Çexiya - Xorvatiya

Qollar: Skoda, 76, Netsid, 90+2 (pen.) - Perisiç, 37, Rakitiç, 58

​

23:00. İspaniya – Türkiyə

Qollar:  Morata, 35, 48, Nolito, 37

​

1news.az