Millimiz Rusiyada növbəti qələbəsini qazanıb

Rusiyanın Rostov şəhərində təlim-məşq toplanışında olan 17 yaşadək futbolçulardan ibarət millimiz növbəti yoldaşlıq oyununu keçirib.

1news.az-ın AFFA-ya istinadən verdiyi məlumata görə, yığmamız “Rostov” klubunun U-18 komandası ilə qarşılaşıb. Görüş yığmamızın 4:2 hesablı qələbəsi ilə başa çatıb.

Kamran Quliyevin dubl etdiyi oyunda Xaqani Sadıxov və Şakir Seyidov hərəyə bir dəfə fərqlənib.

Qeyd edək ki, millimiz ilk yoxlama görüşündə Rostovu təmsil edən OİK-2 komandasını 3:1 hesabı ilə məğlub etmişdi.

1news.az