Messi: Argentina yığmasındakı karyeram bitdi
Argentina yığmasının və İspaniyanın “Barselona” klubunun hücumçusu Lionel Messi yığma komandadakı karyerasını başa vurduğunu açıqlayıb.
Bu barədə Messi iyunun 27-də “Copa America 2016”nın finalında Çili millisinə məğlubiyyətdən sonra verdiyi açıqlamada bildirib. O deyib:
“Mənim milli komandadakı karyeram bitdi. Bu, mənim yığma komanda ilə məğlub olduğum ümumilikdə dördüncü, ardıcıl isə üçüncü finaldır”.
Argentina milli komandası ilə çempion titulu qazanmağı çox istədiyini deyən Messi bildirib:
“Mən əlimdən gələni etdim. Finalda uduzmaq, xüsusilə də penaltilər seriyasında məğlub olmaq çox üzücüdür. Mən qərarımı artıq vermişəm”.
«Чемпионат»
877
