“Sumqayıt” daha bir futbolçunu heyətinə qatdı

2016/2017 mövsümü üçün transfer çalışmalarını davam etdirən “Sumqayıt” daha bir futbolçu ilə müqavilə imzalayıb.

1news.az-ın klubun rəsmi saytına istinadən xəbər verir ki, “gənclik şəhəri” təmsilçisi ötən mövsümün ikinci yarısını “Xəzər Lənkəran”da keçirmiş Vaquf Güləliyevi heyətinə qatıb.

23 yaşlı futbolçu 2 illik sazişə imza atıb.

Qeyd edək ki, “Sumqayıt” bundan öncə Fərhad Vəliyev, Kamran Abdullazadə, Ruslan Tağızadə, Əli Həsənli, Mirabdulla Abbasov, Rail Məlikov və Vadim Abdullayevi transfer edib.

1news.az