Şəhriyar Məmmədyarov dünya reytinqində 6 pillə irəliləyib

Beynəlxalq Şahmat Federasiyası ən yaxşı oyunçuların yeni siyahısını açıqlayıb.

1news.az-ın Sportbox.az-a istinadən verdiyi məlumata əsasən, azərbaycanlı qrossmeyster Şəhriyar Məmmədyarov ötən göstəricilərə nisbətən 6 pillə irəliləyərək 12-ci yerdə qərarlaşıb.

Onun aktivində 2764 xal var.

Teymur Rəcəbov 35-ci yeri (2722 xal), Eltac Səfərli – 57-ci yeri, Rauf Məmmədov isə 75-ci yeri tutur.

Reytinqə əsasən, ilk yerin sahibi 2855 xalı olan norveçli Maqnus Karlsendir.

İlk üçlüyə həm də rusiyalı Vladimir Kramnik (2812) və ABŞ idmançısı Fabiano Karuana (2810) daxildir.

1news.az