KTMT XİN Şurasının iclasında Dağlıq Qarabağa dair bəyanat qəbul edilib

Kollektiv Təhlükəsizlik Müqaviləsi Təşkilatı (KTMT) Xarici İşlər Nazirləri Şurasının bu gün İrəvanda keçirilən toplantısında Dağlıq Qarabağ münaqişəsinə dair bəyanat qəbul edilib.

1news.az-ın Ermənistan mətbuatına istinadən verdiyi xəbərə görə, bu barədə Ermənistanın xarici işlər naziri Edvard Nalbandyan toplantının yekunları ilə bağlı keçirdiyi brifinqdə məlumat verib.Onun sözlərinə görə, iclasda müzakirə olunan əsas məsələlərdən biri təşkilatın 2025-ci ilə qədərki strategiyası ilə bağlı olub.

Bundan başqa əvvəlki iclaslarda əldə olunan razılaşmaların və qərarların icrası ilə bağlı müzakirələr aparılıb.

İclas zamanı Dağlıq Qarabağ müzakirəsi də diqqətdə olb:

“Dağlıq Qarabağ münaqişə zonasında gərginliyin azaldılması, vəziyyətin stabilləşdirilməsi və sülh prosesinin irəliləməsini nəzərdə tutan şəraitin yaradılmasına dair 16 may Vyana və 20 iyun Sankt-Peterburq sammitlərində əldə edilmiş razılaşmalara dəstəyimizi ifadə edirik.

Dağlıq Qarabağ probleminin istisnasız olaraq sülh yolu ilə həlli zərurətini təsdiqləyərək biz ATƏT-in Minsk qrupu ölkələrinin münaqişənin beynəlxalq hüquq normaları, BMT Nizamnaməsi, Helsinki Yekun Aktında əksini tapan güc tətbiq etməmək və güclə hədələməmək, ərazi bütövlüyü, xalqların öz müqəddəratını həll etmək prinsipləri əsasında həlli cəhdlərini alqışlayırıq”- deyə, bəyanatda bildirilir.

1news.az