“Kəpəz”dən qələbə qolu, “Neftçi” və “Qəbələ”ni sevindirən məğlubiyyət

UEFA Avropa Liqasında I təsnifat mərhələsinin cavab qarşılaşmaları keçirilib.

1news.az-ın məlumatına görə, 44 oyunun baş tutduğu gecədə Azərbaycanın “Kəpəz”, “Qəbələ” və “Neftçi” klubları da meydana çıxıblar.

Bakıda keçirilən ilk matçda “Daçiya” ilə qolsuz bərabərə qalan “Kəpəz” həlledici cavab görüşündə rəqibini minimal hesabla məğlub edərək növbəti mərhələyə adlayıb.

Qeyd edək ki, 16 il sonra Avrokuboklarda yenidən çıxış edən Gəncə təmsilçisi dönüşünü mərhələ adlamaqla qeyd edib.

“Qəbələ” də Gəncə təmsilçisi kimi cavab görüşünü səfərdə keçirib. İlk görüşdə Gürcüstanın “Samtredia”sını 5:1 hesabı ilə darmadağın edən Roman Qriqorçukun yetirmələri cavab görüşündə məğlub olsalar da, növbəti mərhələyə yüksəliblər.

“Kəpəz”lə “Qəbələ”dən fərqli olaraq “Neftçi” cavab görüşünü evdə keçirib. Maltada baş tutan ilk oyunda “Baltsan”ı 2:0 hesabı ilə məğlub edən “Flaqman” cavab görüşündə məğlub olsa da, iki oyunun nəticəsinə görə mərhələ adlayan tərəf olub.

Beləliklə, Avropa Liqasında ölkəmizi təmsil edən hər üç komandamız növbəti mərhələyə vəsiqə qazanıblar.

Avropa Liqası

I təsnifat mərhələsi

Cavab oyunları

“Daçiya” (Moldova) – “Kəpəz” (Azərbaycan) - 0:1

Qol: Dario Federiko Junior, 57

Baş hakim: Laşa Silaqava

Baş hakimin köməkçiləri: Zaza Menteşaşvili, Levan Todria

Dördüncü hakim: Qoga Kikaçeişvili (hamısı Gürcüstan)

UEFA nümayəndəsi: Tammo Beishuizen (Hollandiya)

Hakim-inspektor: İçko Lozev (Bolqarıstan)

Speya (Moldova). “Speya” stadionu

İlk oyun – 0:0

“Samtredia” (Gürcüstan) – “Qəbələ” - 2:1

Qollar: Zivzivadze, 14, Şergelaşvili, 90+2 - Uiks, 42

Baş hakim: Georgios Kizas

Baş hakimin köməkçiləri: Çasan Koula, İoannis Sipkas

Dördüncü hakim: Aleksandros Aretopulos (hamısı Yunanıstan)

Zestafoni. David Abaşidze stadionu

İlk oyun – 1:5

“Neftçi” (Azərbaycan) – “Baltsan” (Malta) - 1:2

Qollar: Jayro, 20 - Misallef, 50, 67

İstifadə olunmayan penalti: Feneç, 57 (qapıdan kənara)

Baş hakim: Yaroslav Kozik

Baş hakimin köməkçiləri: Yevgeni Xalamendik, Viktor Matyaş

Dördüncü hakim: Nikolay Balakin (hamısı Ukrayna)

Hakim-inspektor: Levan Paniaşvili (Gürcüstan)

UEFA nümayəndəsi: Olzas Abrayev (Qazaxıstan)

Bakı. 8-ci km qəsəbə stadionu stadionu

İlk oyun – 2:0

1news.az