Millinin məşqçiləri səfər oyunlarını izləyəcək

Milli komandanın məşqçiləri avropa Liqasında çıxış edən klublarımızın səfər oyunlarını izləyəcəklər.

1news.az xəbər verir ki, bu barədə AFFA-dan məlumat veriblər.

Məlumata görə, Azərbaycan milli komandasının məşqçiləri Elxan Abdullayev və Mahmud Qurbanov, müvafiq olaraq, “Qəbələ” və “Kəpəz” klublarının UEFA Avropa Liqasının ikinci təsnifat mərhələsində səfərdə keçirəcəkləri oyunları izləyəcəklər.

Xatırladaq ki, “Qəbələ” bu mərhələdə Macarıstanın MTK, “Kəpəz” isə Avstriyanın “Admira” komandası ilə qarşılaşacaq. Hər iki təmsilçimiz ikinci təsnifat mərhələsində ilk oyununu iyulun 14-də keçirəcək.

1news.az