Azərbaycan 24-cü pillədə qaldı

Avropa Liqasının III təsnifat mərhələsinin ilk oyunları başa çatandan sonra UEFA-nın reytinq siyahısı açıqlanıb.

1news.az-ın məlumatına görə, dünən baş tutan 29 qarşılaşma siyahıda bir sıra dəyişikliklər baş verib.

“Qəbələ”nin Fransada “Lill”lə heç-heçə etməsi sayəsində Azərbaycan daha 0,125 xal qazanıb və bununla da cari mövsüm toplanan xalımız 2,125-ə çatıb. Hazırda 5 mövsümün nəticələrinə görə 15,625 xalı olan ölkəmiz 24-cü pillədə qalıb.

Siyahıya isə əvvəlki kimi İspaniya başçılıq edir. Sonrakı yerlərdə Almaniya, İngiltərə, İtaliya, Fransa, Portuqaliya, Rusiya, Ukrayna, Belçika və Türkiyə gəlir.

1news.az