Roman Qriqorçuk: Bu, bizim üçün tarixi nəticədir

Rəqibin səviyyəsini, reytinqini nəzərə alsaq, bu heç-heçə bizim üçün tarixi nəticədir. Biz bu nəticədən çox razıyıq.

1news.az-ın məlumatına görə, bunu UEFA Avropa Liqasının III təsnifat mərhələsində Fransada “Lill” komandası ilə 1:1 hesablı bərabərə qalan “Qəbələ”nin baş məşqçisi Roman Qriqorçuk deyib.

Əldə etdikləri nəticəni Cavid Hüseynova həsr etdiklərini deyən ukraynalı mütəxəssis mərhələ adlamaq üçün əllərindən gələni edəcəklərini söyləyib:

“Əlbəttə ki, özümüzə inanırıq. Mərhələ adlamaq üçün bizdən asılı olan hər şeyi edəcəyik. Özünəinamımızı o artırır ki, bir həftəyə daha yaxşı oynaya biləcək potensialımız var. Təcrübə oyundan-oyuna qazanılır. “Lill” yüksək sürətə malik futbolçulardan təşkil olunub. Onlara qarşı ya eyni dərəcədə sürətli olmalısan, ya da taktikadan yararlanmalısan”.

1news.az