12 olimpiya medalı olan idmançıya silahlı hücum

“Rio-2016” Yay Olimpiya Oyunlarında iştirak edən Amerikalı üzgücü Rayan Loxte və 3 dostu silahlı şəxslərin hücumuna məruz qalıblar.

1news.az “Habertürk”ə istinadən xəbər verir ki, gecə klubunda əyləndikdən sonra dayanacaqda taksi gözləyən idmançı və dostlarına hücum edənlər onların dəyərli əşylarını və pullarını alıblar.

R.Loxte həmin şəxslərin əllərində silah olduğu üçün onlara müqavimət göstərə bilmədiklərini deyib.

Qeyd edək ki, 32 yaşlı idmançı iştirak etdiyi bir neçə Olimpiya oyunlarında ümumilikdə 12 medal qazanıb.

1news.az