Qarabağ bölgəsində gənclər üçün peşə dərslərinə start verildi
Gənclər üçün Təhsil Mərkəzi Qarabağ Regional Ofisi Füzuli rayonunda “Peşə Təhsili üzrə Regional Məsləhət və Yardım Xidməti” –nin cari il peşə təlimlərinə start verdi.
Mərkəzdən 1news.az-a verilən məlumata əsasən, Gənclər üçün Təhsil Mərkəzinin icraçı direktoru Fəxrəddin Həsənzadə bildirmişdir ki , Cənab prezidentin 20 aprel 2016-cı il tarixli fərmanı ilə Azərbaycan Respublikasının Təhsil Nazirliyi yanında Peşə Təhsili üzrə Dövlət Agentliyinin yaranmasını əsas tutaraq Mərkəz xüsusilə Qarabağ bölgəsində peşə təhsilinin kütləviliyini təmin etmək , ölkənin iqtisadi rifahı naminə insan resurslarından daha effektli faydalanmasına şərait yaratmaq məqsədilə gənclər üçün təmənnasız peşə kurslarına başlamışdır. Gənclər üçün nəzərdə tutulan peşə kursları özlüyündə həmin bölgənin mövcud imkanları və iqtisadi təlabatı ilə uzlaşılaraq gənclərin sosial, iqtisadi imkanlarının artırılmasına təsir göstərəcəkdir..
Xidmətin cari il tədris mərhələsində tikiş ,toxuculuq, qadın bərbəri və komputer kursundan ümumilikdə 56 nəfər həssas qrupdan olan qadınlar və aztəminatlı ailələrin övladları ödənişsiz əsaslarla faydalanacaqlar.
Qeyd etmək istərdik ki , “Peşə Təhsili üzrə Regional Məsləhət və Yardım Xidməti” proqramı çərçivəsində Füzuli rayon 3saylı Qayıdış qəsəbə bələdiyyəsi ilə əməkdaşlıq ediləcəkdir.
1news.az
