Göyçayda toyda zəhərlənən şəxslərin adları məlum olub – YENİLƏNİB
Bu gün axşam saatlarında Göyçay rayonunun Yekəxana kəndində təşkil edilən toy mərasimində qidadan zəhərlənən şəxslərdən 22 nəfəri Qaraməryəm kənd xəstəxanasına, 9 nəfər isə Göyçay rayon Mərkəzi Xəstəxanasına yerləşdirilib.
Yekəxana kənd sakinləri olan 25 nəfər - Elvin Şəmiyev, Qoşqar Quliyev, Nemət Şəmiyev, Rahilə Şəmiyeva, Gülnaz Təvəkkülova, Ruslan Hüseynov, Samirə Hüseynova, Yeganə Hüseynova, Hüseyn Hüseynov, Qoşqar Rəşidov, Qənirə Əzizova, Rəna İbadova, Şahin Ağamalıyev, Saday Şəmiyev, Təranə Hüseynova, Cəfər Hüseynov, Mürşüd Hüseynov, Kifayət Əmirova, Ədil Kərəmov, Sərvər Kərimov, Rza Talıbov, İlham Tapdıqov, Akif Hüseynov, Elnur Məmmədov, Xədicə Hüseynova toy mərasimində meyvə şirəsi içdikdən sonra qəflətən yaranan qızdırma, ürək bulanma və işləmə-qusma əlamətləri ilə təcili olaraq xəstəxanaya çatdırılıblar.
Hazırda onların müalicəsi davam etdirilir. Zərərçəkənlərdən 6 nəfər isə ilkin tibbi yardım göstərilərək evə buraxılıb. Hazırda hüquq-mühafizə orqanlarının əməkdaşları toy mərasiminin keçirildiyi yerdədirlər. Kütləvi zəhərlənməyə səbəb olan meyvə şirələrindən yoxlama üçün nümunələr götürülüb.
Faktla bağlı araşdırma aparılır.
APA
21.13
Göyçay rayonunda keçirilən toy mərasimində qonaqlar arasında qidadan kütləvi zəhərlənmə halı baş verib.
Hadisə bu gün axşam saat 18:30 radələrində rayonun Yekəxana kəndində qeydə alınıb. Toy mərasimində meyvə şirəsi içən qonaqlardan bəzilərinin halı pisləşib və 30-dan çox adam zəhərlənmə diaqnozu ilə Göyçay rayon Mərkəzi Xəstəxanasına və Qaraməryəm kənd xəstəxanasına yerləşdiriliblər. Zərərçəkənlərə ilkin tibbi yardım göstərilib.
Xəstələrdən bir neçəsinin vəziyyəti ağır olduğu üçün reanimasiya şöbəsinə yerləşdiriliblər.
Hazırda onların müalicəsi davam etdirilir. Hadisə yenicə baş verdiyi üçün zəhərlənən şəxslərin adları hələ ki, məlum deyil.
Faktla bağlı araşdırma aparılır.
APA
