Rio Olimpiadasının ən güclü 10 idmançısı müəyyənləşib

Braziliyada keçirilən XXXI Yay Olimpiya Oyunlarının ən güclü on idmançısının adı açıqlanıb.

1news.az-ın məlumatına görə, Olimpiya Oyunlarının təşkilat komitəsi qeyri-adi nailiyyətləri ilə fərqlənən idmançıların siyahısını tərtib edib.

İlk onluğa Rionu çoxlu sayda medalla başa vuraraq Olimpiya Oyunları tarixində rekord müəyyən edən Maykl Felps, planetin ən sürətli adamı Useyn Bolt da var.

Siyahıya rusiyalı idman gimnastı Aliya Mustafina başçılıq edir. Siyahıda digər yerləri üzgüçülər Maykl Felps (ABŞ), Yuriya Yefimova (Rusiya) tuturlar. Yamaykalı atlet Useyn Bolt dördüncü, rusiyalı sinxron üzgüçülər Natalya İşenko və Svetlana Romaşina isə beşinci olublar.

Sonrakı yerlərdə isə müvafiq olaraq Monika Puik (Puerto-Riko, tennis), Sofiya Velikaya (Rusiya, qılıncoynatma), Tyaqu Bras da Silva (Braziliya, atletika), Yevgeni Trefilov (Rusiya, həndbol), Nikki Hamblin-Ebbi Daqostino (Yeni Zelandiya, atletika) tutublar.

Rio-2016

Top-10

1. Aliyə Mustafina (Rusiya, idman gimnastikası)

2. Maykl Felps (ABŞ, üzgüçülük)

3. Yuriya Yefimova (Rusiya, üzgüçülük)

4. Useyn Bolt (Yamayka, atletika)

5. Natalya İşenko və Svetlana Romaşina (Rusiya, sinxron üzgüçülük)

6. Monika Puik (Puerto-Riko, tennis)

7. Sofiya Velikaya (Rusiya, qılıncoynatma)

8. Tyaqu Bras da Silva (Braziliya, atletika)

9. Yevgeni Trefilov (Rusiya, həndbol)

10. Nikki Hamblin və Ebbi Daqostino (Yeni Zelandiya, atletika)

1news.az