Ərəb turist Azərbaycanda yol qəzası törətdi

Qəbələdə istirahətə gələn ərəb idarə etdiyi avtomobillə qəza törədib.

1news.az xəbər verir ki, bu barədə avtosfer.az-a Qəbələ Rayon Dövlət Yol Polisi Bölməsindən məlumat verilib.

Bildirilib ki, turistlərdən biri icarəyə götürdüyü avtomobillə arxaya hərəkət edərkən "VAZ" markalı avtomobillə yüngül toqquşub. Hadisə yerinə gələn DYP əməkdaşları məsələni araşdırıb, hadisəni sənədləşdirib və ərəb turist barəsində inzibati protokol tərtib olunub.

Hadisə zamanı xəsarət alan olmayıb. Avtomobillərə cüzi ziyan dəyib.

1news.az