Millimiz İspaniya yığmasına məğlub oldu
Futzal üzrə dünya çempionatının final mərhələsində Azərbaycan milli komandası ikinci oyununu keçirib.
1news.az-ın məlumatına görə, Millimiz Kolumbiyanın Medellin şəhərindəki Coliseo Ivan de Bedout idman kompleksində İspaniya yığması ilə qarşılaşıb. Qarşılaşma 4:2 hesabı ilə ispaniyalı futzalçıların xeyrinə yekunlaşıb.
Xatırladaq ki, komandamız turnirdə keçirdiyi ilk oyunda Mərakeş yığmasına 5:0 hesabı ilə qalib gəlmişdi.
Millimiz dünya çempionatında növbəti oyununu sentyabrın 18-də, yerli vaxtla saat 18:00-da (Bakı vaxtı ilə 19 sentyabr, saat 03:00) Medellin şəhərindəki Coliseo Ivan de Bedout idman kompleksində İran yığmasına qarşı keçirəcək.
1news.az
794
