Azərbaycanda telekanalın adı dəyişdirilib

Azərbaycanda fəaliyyət göstərən "Region" TV adını bu gündən dəyişib.

1news.az-ın "Report"a istinadən məlumatına görə, bu barədə Milli Televiziya və Radio Şurasının Aparat rəhbəri Toğrul Məmmədov məlumat verib.

O bildirib ki, Region TV sentyabrın 5-də MTRŞ-yə adının dəyişdirilməsi və ARB TV olması ilə bağlı müraciət edib:

"Televiziyanın müraciətində heç bir problem görülməyib və TV bu gündən yeni adla yayımlanacaq".

T.Məmmədov onu da bildirib ki, ölkədə RTV TV adlı region yayımçısı da olduğu üçün bəzən bu iki televiziya qarışdırılırdı.

1news.az