Abşeronda azyaşlı uşağın iki barmağı amputasiya olunub

Abşeron rayonunda azyaşlı uşağın ağır xəsarət alması ilə nəticələnən bədbəxt hadisə baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən sözügedən rayonun Novxanı bağlar yaşayış sahəsində qeydə alınıb.

Belə ki, həmin ərazidə yaşayan azyaşlı Zöhrab Qurbanov məişət tullantıları sahəsindən tapdığı naməlum əşya ilə oynayan zaman həmin əşya partlayıb.

Dərhal azyaşlı xəstəxanaya çatdırılıb və nəticədə həkimlər onun əlinin 2 barmağını amputasiya etməli olublar.

Faktla bağlı araşdırma aparılır.

1news.az