“Qəbələ” “Qarabağ”ı məğlub etdi
Bu gün Topaz Premyer Liqasında VII tura və ilk dövrəyə yekun vurulub.
1news.az apasport.az-a istinadən xəbər verir ki, həftənin son matçı Qəbələ baş tutub.
Çempionluğa əsas namizədlər, Avropa Liqasının qrupunda çıxış edən “Qarabağ”la “Qəbələ” turun mərkəzi oyununda üz-üzə gəliblər.
8 oyundu uduzmayan və qol buraxmayan “qırmızı-qaralar” son 4 turda xal da itirməyib. Bölgə klubunun seriyası bu dəfə də davam edib.
Meydan sahibləri matça fəal başlayıb. 11-ci dəqiqədə Filip Ozobiç uzaq məsafədən baxımlı qola imza atıb. Bundan 3 dəqiqə sonra isə Baqali Dabo ikinci dəfə qonaqları məyus edib.
Matçın sonuna kimi başqa qol olmayıb və "Qarabağ" meydanı başıaşağı tərk edib.
Qeyd edək ki, bu oyundan sonra milli komandaların matçları ilə əlaqədar Topaz Premyer Liqasında fasilə yaranacaq.
“Qəbələ” – “Qarabağ” - 2:0
Qollar: Ozobiç, 11, Dabo, 14
1news.az
