«Araz» UEFA kubokunda ikinci oyununu keçirib
Futzal üzrə UEFA kubokunun əsas mərhələsində təmsilçimiz “Araz” ikinci oyununu keçirib.
1news.az-ın məlumatına görə, Kosovanın “Feniks” komandası ilə qarşılaşan təmsilçimiz 1:0 hesabı ilə qələbə qazanıb. Görüşdə yeganə qolu oyunun 11-ci dəqiqəsində Xətai Bağırov vurub.
“Araz” qrupda son oyununu oktyabrın 14-də, Bakı vaxtı ilə saat 17:30-da Makedoniyanın “Zelezarec” komandasına qarşı keçirəcək.
Qeyd edək ki, “Araz” ilk oyunda Tiflis Dövlət Universiteti komandasını 7:1 hesabı ilə məğlub edib.
1news.az
865
