“Qəbələ” qələbəni son anda əldən verdi, “Neftçi”nin futbolçusu azarkeşə hücum çəkdi – VİDEO
Bu gün Topaz Premyer Liqasının IX turu çərçivəsində iki oyun keçirilib.
1news.az-ın məlumatına görə, ilk görüşdə “Sumqayıt” və “Qəbələ” klubları üz-üzə gəlib.
Lider “Qəbələ” rəqibindən öndə olsa da, oyunun əsas vaxtına əlavə edilmiş dəqiqələrdə Sumqayıt təmsilçisi penalti zərbəsindən hesabı bərabərləşdirib və nəticədə görüş 2:2 hesablı bərabərliklə başa çatıb.
Günün və turun sonuncu qarşılaşması olan “Neftçi” – “Qarabağ” matçı insidentlə başa çatıb. Belə ki, görüşün 90-cı dəqiqəsində “Qarabağ”ın vurduğu ikinci qoldan sonra azarkeşlərdən biri meydana daxil olub.
Bu zaman əsəbilərini cilovlaya bilməyən “Neftçi”nin rumıniyalı hücumçusu Katalin Tira azarkeşə hücum çəkərək ona bir neçə yumruq zərbəsi endirib.
Yalnız polis əməkdaşının və “Qarabağ”lı oyunçuların müdaxiləsindən sonra azarkeşi xilas etmək mümkün olub.
Rumıniyalı hücumçunun bu hərəkəti baş hakim Ramil Diniyev tərəfindən “qırmızı” ilə cazalandırılıb.
Topaz Premyer Liqası
IX tur
25 oktyabr (çərşənbə axşamı)
“Sumqayıt” – “Qəbələ” - 2:2
Qollar: Yusif Nəbiyev, 46, Amil Yunanov, 90+4-pen. - Rəşad Eyubov, 64; Filip Ozobiç, 73
Qırmızı vərəqə: Sadiq Quliyev, 90+3
“Neftçi” – “Qarabağ” - 0:2
Qollar: Rahid Əmirquliyev, 29, Jayro, 90 (öz qapısına)
Qırmızı vərəqə: Katalin Tira, 90
“Neftçi”nin legioner futbolçusu Katalin Tiranın azarkeşə hücum çəkdiyi epizod:
1news.az
