İslam Həmrəyliyi oyunları ilə bağlı Koordinasiya Komissiyasının 4-cü iclası öz işinə başlayıb – FOTO

Bu gün “Boulevard” oteldə IV İslam Həmrəyliyi oyunlarına hazırlıq məqsədi ilə Koordinasiya Komissiyasının sayca 4-cü iclası öz işinə başlayıb.

1news.az-ın məlumatına görə, iclasda IV İslam Həmrəyliyi oyunlarının icraçı direktoru, gənclər və idman naziri Azad Rəhimov, İslam Həmrəyliyi İdman Federasiyasının 2-ci vitse prezidenti Çingiz Hüseynzadə, İslam Həmrəyliyi İdman Federasiyasının baş katibi Faisal Abdulaziz Al-Nassar, İslam Həmrəyliyi İdman Federasiyasının 1-ci vitse prezidenti, Əlaqələndirmə Komissiyasının sədri Hamad Kalkaba Malboum və digər rəsmilər iştirak edirlər.

Bu gün öz işinə başlayan və iki gün davam edəcək iclasın ilk günü  yarışda iştirak edəcək idmançıların sayı, idman növləri, nəqliyyat, infrastruktur, könüllülərlə işin qurulması və digər mövzular müzakirə ediləcək.

Koordinasiya komissiyasının ilk günü saat 16.00-da media nümayəndələri üçün mətbuat konfransı keçiriləcək.

Koordinasiya komissiyasının 2-ci günü isə idmançıların iştirakı, idman yarışları, marketinq, yayım, komersiya məsələləri, açılış və bağlanış mərasimləri kimi mövzular müzakirə olunacaq.

Qeyd edək ki, Koordinasiya Komissiyasının 3-cü iclası İslam oyunlarına 1 il qalmış, 12 May tarixdə baş tutmuşdu.

1news.az