Alim Qasımov və qızı Fərqanə Qasımova Polşada konsert verəcək

Noyabrın 16-da dünya şöhrətli sənətkar, Xalq Artisti Alim Qasımov və qızı, Əməkdar Artist Fərqanə Qasımova Polşada məşhur “Vovo” qrupu ilə birgə konsert verəcək.

Azərbaycanın muğam ifaçıları adıçəkilən ölkədə “Koncert WAGLEWSKI+”da çıxış edəcəklər.

Artıq sənətkarlarımız “Vovo” qrupunun iki mahnısını duet şəklində ifa edib. Hər iki mahnı qrupun son diskində yer alıb. Bu səbəbdən də “Vovo" qrupunun solistləri “Koncert WAGLEWSKI+" çərçivəsində Alim Qasımovla bu mahnıları canlı ifa etmək istəyiblər.

Konsertdə Alim Qasımovu polşalı qrup müşayiət edəcək.

AZƏRTAC