Dollar yenə bahalaşıb
Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
1news.az AMB-yə istinadən xəbər verir ki, ABŞ-ın milli valyutası olan dolların məzənnəsi noyabrın 15-i ilə müqayisədə bahalaşaraq 1,7039 manat təşkil edib.
Avro da manata nisbətən bahalaşıb. Əgər avrozonanın vahid valyutası dünən 1,8220 manat təşkil edirdisə, bu gün artıq bu göstərici 1,8302 manata çatıb.
Əsas ticarət tərəfdaşlarımızdan biri olan Rusiyanın milli valyutası rublu da bahalaşaraq 0,0266 manata qalxıb.
Türkiyə lirəsinin məzənnəsi isə bir qədər güclənərək 0,518 manat təşkil edib.
Rəsmi məzənnəyə əsasən, 1 ingilis funt sterlinqi 2,1232 manatdır.
Gürcüstan larisinin məzənnəsi bahalaşaraq 0,6864 manat olub.
