MBNP: Azərbaycan Beynəlxalq Bankı 2017-ci ildə özəlləşdiriləcək
Azərbaycan Beynəlxalq Bankının özəlləşdirilməsi 2017-ci ildə elan olunacaq.
1news.az-ın verdiyi xəbərə görə, bunu Bakıda Azərbaycan Banklar Assosiasiyasının (ABA) təşkilatçılığı ilə keçirilən “Post-neft dövründə bank sisteminin inkişafı: yeni çağırışlar və perspektivlər” adlı forumda Maliyyə Bazarlarına Nəzarət Palatasının (MBNP) Direktorlar Şurasının sədri Rüfət Aslanlı bildirib.
R. Aslanlının sözlərinə görə, hazırda Maliyyə Nazirliyi ilə birgə hazırlıq işlərinin başa çatdırılması üçün tədbirlər həyata keçirilir.
Həmçinin o qeyd edib ki, özəlləşdirmədə yerli və xarici investorlar iştirak edə biləcəklər.
Qeyd edək ki, Azərbaycan Beynəlxalq Bankı 1992-ci ilin yanvarında təsis edilib və ölkənin ən iri banlarındandır. Bankın əsas səhmdarı Azərbaycan hökumətidir.
1news.az
