Silahlı Qüvvələrə Yardım Fondunda 78 milyondan çox vəsait toplanıb

Bu günə qədər Azərbaycan Respublikasının Silahlı Qüvvələrə Yardım Fonduna daxil olan vəsait açıqlanıb.

1news.az Müdafiə Nazirliyinə (MN) istinadən xəbər verir ki, dekabrın 1-nə qədər 78 milyon 192 min 264 manat, 212 min 373 ABŞ dolları, 5635,69 avro və 5000 rubl vəsait daxil olub.

Qeyd edək ki, Silahlı Qüvvələrə Yardım Fondu Azərbaycan Prezidentinin 17 avqust 2002-ci il tarixli sərəncamı ilə yaradılıb. Sərəncama əsasən, Silahlı Qüvvələrə Yardım Fondu respublika ərazisində fəaliyyət göstərən fiziki və hüquqi şəxslərdən könüllü olaraq daxil olan vəsait və qanunvericiliklə qadağan olunmamış digər daxilolmalar hesabına formalaşır.

1news.az