Sabirabadda mühafizəçi yanaraq ölüb

Sabairabadda ölümlə nəticələnən yanğın baş verib.

1news.az Daxili İşlər Nazirliyinə (DİN) istinadən xəbər verir ki, dekabrın 8-də saat 09 radələrində Sabirabad rayonunun Qaraqaşlı kəndi ərazisində balıq saxlanılan göllərdən birində mühafizə üçün nəzərdə tutulmuş otaqda yanğın baş verib.

Hadisə nəticəsində yanar konstruksiyalar və oradakı əşyalar yanıb, yanğın söndürüldükdən sonra mühafizəçi - rayon sakini Seyran Hüseynovun yanmış meyiti aşkar edilib.

1news.az