Dünya birjalarında neftin qiyməti 57 dolları keçdi
OPEC və qeyri-OPEC ölkələri tərəfindən hasilatın azaldılmasını özündə ehtiva edən razılaşmanın imzalanmasından sonra dünya birjalarında neft kəskin bahalaşıb.
1news.az-ın məlumatına görə, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barrelə görə 2,39 dollar artaraq 53,89 dollar təşkil edib.
ICE London qitələrarası birjasında Brent markalı neftin qiyməti isə 1 barrelə görə 2,31 artaraq 57,02 dollar olub.
Beləliklə, Brent markalı neftin qiyməti 2015-ci ilin iyulun 21-dən etibarın ilkdəfə 57 dollar həddini aşıb.
Qeyd edək ki, neft hasilatı yanvarın 1-dən azaldılacaq. Hasilatı azaltmaq öhdəliyi götürən qeyri-OPEC ölkələri Rusiya, Azərbaycan, Bəhreyn, Bruney, Qazaxıstan, Malayziya, Meksika, Oman, Ekvatorial Qvineya, Sudan və Cənubi Sudandır.
1news.az
